أحمد حسن يكشف: حسام حسن جالي في نص الليل بسبب خسارة بلاي ستيشن!

كشف أحمد حسن، القائد التاريخي لمنتخب مصر، عن موقف طريف جمعه بالتوأم حسام حسن، المدير الفني الحالي للمنتخب الوطني، خلال أحد المعسكرات السابقة، مُظهرًا مدى شغف "العميد" بالمنافسة حتى خارج الملعب.

وقال الصقر أحمد حسن في تصريحات إذاعية: "البلاي ستيشن كان لسه طالع جديد، وأحرف واحد فيه كان حازم إمام، وكنت أنا وعبد الستار صبري من أفضل اللاعبين أيضًا."

وأضاف: "في معسكر بالمكسيك، قعدت ألعب ضد حسام حسن، وكنت بكسبه كتير لأنه كان لسه بيتعلم جديد. جت الساعة 4 الفجر، قلت له خلاص أنا هنام تعبت."

وتابع أحمد حسن: "روحت أوضتي، وبعد دقيقتين لقيته جاي يخبط عليا وبيقولي: 'إيه مش هنكمل لعب؟'. قلت له مش قادر وعايز أنام، وهو مكانش متقبل فكرة الخسارة."