مسلسل بالطو يتصدر نسب المشاهدة على Watch it

حقق مسلسل بالطو نجاحًا واسعًا، حيث تصدر نسب المشاهدة فى مصر عبر منصة watch it، وأزاح مسلسل الأصلي بطولة ريهام عبد الغفور من الصدراة.

وقال المخرج عمر المهندس عن كواليس العمل: "كنا عايزين نعمل حاجة مؤثرة مع الناس وفي نفس الوقت عايزين نعمل حاجه خفيفة، فكنت أما ببص على الوحدات الصحية إلى نحوا بلاقيها غريبه شوية وكئيبة نوعًا ما كلها حيطان بيضا وأراضي بيضا فكنا عايزين حاجه بتاعتنا احنا تناسب الجو بتاعنا وديكور بتاعنا احنا وحاولنا نخلي اللبس ماشي مع الديكور حتى لو مش ماشي مع الحقيقة".
وتابع عن أبطال العمل: الموضوع جه إن أنا وسلافه وعصام ومريم كنا اصحاب اصلا في الجامعة وبالذات سلافة لإن أنا إلى شرحتها لفيلم الجزيرة 2 فـ في بينا شغل من زمان، ولما جت الفرصة جه في  دماغي صحابي وحبيت انتهز الفرصة دي إني أظهرهم للجمهور.
وأضاف: "ومكنتش قريت الكتاب بتاع عاطف فكنت عايزه وأتكلمنا وقولنا إن أحنا عايزين نعمل حاجات ليها وسط ونهاية وفيها دراما لغاية ما وصلنا واشتغلنا اننا نبني قصه ومش عايزين نهزر بزياده فيها، احنا هنعتمد فيها على كوميديا الموقف زي مثلا أن دكتور لسه متخرج مبيعرفش يولد لازم يولد واحدة في الوحدة الصحية حالًا"
وقال الفنان عصام عمر، إنه رفض دور البطولة في مسلسل "بالطو"، حينما عُرض عليه لأول مرة، بل أخبر المخرج أنه من الأفضل اختيار ممثل أكثر موهبة وشهرة منه، حتى يضيف نجاحًا حقيقياً للعمل.

أضاف عصام، خلال حواره ببرنامج "معكم منى الشاذلي" أن المخرج عمر المهندس تمسّك به، ورفض إسناد دور البطولة لأي ممثل آخر، قائلا: "في البداية مكنتش حابب إن أنا أعمل المسلسل، مكنتش حابب ابقي بطل ولا اعمل ده دلوقت خالص، مكنتش مقتنع وحاسس إن ممكن نجيب ممثل تاني أفضل ومشهور أكتر، فهينفعهم".
تابع: "عمر صاحبي من زمان وأخويا فمكنتش عاوز في أول تجربة ليه ألبسه في حيطة.. كنت عاوز ممثل جامد مشهور يبقى مكاني بحيث عمر تجربته تنجح.. لكن عمر قالي مش هعمله غير بيك.. وقد كان".
واختتم عصام عمر حديثه قائلًا: الموضوع مش إني أكون بطل وخلاص.. الموضوع هل هقدر اقدم حاجة تستاهل ولا هتقدم لهم كبطل وهتبقى الناس بتضيع وقتها علي حاجة مش محترماها.. كان نفسي ابقي بعمل حاجة حلوة بس".