ياسمين الخطيب ترفض ظهور سوزي الأردنية في برنامجها: "طلبت 100 ألف جنيه ومالهاش قيمة إعلامية"

في حلقة جديدة من برنامج "مساء الياسمين"، فجّرت الإعلامية ياسمين الخطيب تصريحات مثيرة حول البلوجر المعروفة باسم سوزي الأردنية، مؤكدة رفضها التام لاستضافتها في البرنامج، بسبب ما وصفته بـ"غياب القيمة الحقيقية لما تقدّمه سوزي للجمهور".

وكشفت الخطيب أن فريق الإعداد تواصل مع البلوجر الأردنية من أجل الظهور ضمن إحدى الحلقات، إلا أن الرد جاء بطلب مادي كبير قُدر بـ100 ألف جنيه، وهو ما رفضته ياسمين على الفور. وأضافت خلال حديثها: "أنا معرفش بتشتغل إيه علشان تتقاضى الرقم دا.. هتيجي تحكيلي إيه؟ إيه قصة النجاح؟".

وأكدت أنها لا تملك خلافات شخصية مع سوزي، لكنها تعترض على طريقة ظهورها وشهرتها التي جاءت - بحسب تعبيرها - نتيجة إثارة الجدل فقط، قائلة: "شهرتها جات من إنها شتمت أبوها! إزاي دا يبقى سبب يخلي الناس تتابعها؟!".

وفي انتقاد صريح لموجة البلوجرز، تساءلت الخطيب: "هو البلوجر بقى مهنة دلوقتي؟! أنا مش فاهمة الناس دي بتشتغل إيه، ومين بيقيم المحتوى اللي بيقدموه؟".