منى هلا: "اعتذرت لكل الحيوانات اللي أكلتها.. والزواج المدني حقي الشخصي"

 ظهرت الفنانة منى هلا ضيفة على برنامج قعدة ستات المذاع عبر شاشة أوربت، لتكشف جانبًا من حياتها الشخصية واختياراتها التي أثارت تفاعلات واسعة على السوشيال ميديا.

تحدثت منى هلا، المعروفة بمواقفها الجريئة، عن طبيعة نظامها الغذائي القائم على النباتية وابتعادها عن تناول اللحوم. وقالت: "بعتذر لكل الحيوانات اللي أكلتها قبل كده.. حاسة إني أذيتها. ومش كل حاجة ربنا حللها لازم نعملها. ربنا حلل للراجل يتجوز أربعة، هل كل الرجالة اتجوزوا أربعة؟"، مؤكدة أن حرية الاختيار جزء أساسي من قناعاتها.

وخلال الحوار، فتحت الفنانة ملفًا شائكًا وهو زواجها المدني خارج مصر، موضحة أنها لجأت لهذا النوع من الزواج بسبب اختلاف القوانين: "أنا اتجوزت جواز مدني، وده زواج موثق وكان فيه إشهار. الناس ساعات ما بتعتبرهوش جواز، لكن هو رسمي. أنا اخترت الشكل ده عشان برا الورق بيمشي بطريقة مختلفة. ولما الناس هاجموني قولتلهم أنا عايشة معاه.. أنتم مالكم؟"