باسم يوسف في أول ظهور تلفزيوني: «مصر وحشتني.. بس مصر اللي في 2025 مش هي اللي كنت أعرفها»

عاد الإعلامي باسم يوسف للظهور مجددًا على الشاشة المصرية، عبر برنامج "كلمة أخيرة" المذاع على قناة ON، في لقاء حمل الكثير من الصراحة والجرأة، وامتلأ بروحه الساخرة التي اشتهر بها.

وخلال الحوار، كشف يوسف عن معاناته مع الشائعات التي تطارده كلما ظهر إعلاميًا، قائلاً: «كل مرة أطلع في برنامج، الناس تقول خدت ملايين أو قبضت عشان أسكت، وده بيعمل لي مشاكل في البيت، مراتي بقت مش عارفة تصدق إيه وتكذب إيه».

وأضاف ساخرًا: «بيقولوا خدت 22 مليون دولار!، طب أنا بعلن رسميًا إني مستعد أظهر في الأفراح، والطهور، وأي مناسبة.. بس حد يدفع!».

وتطرق يوسف للحديث عن والدَيه، مؤكدًا أن والدته توفيت قبل أن ترى حجم الهجوم عليه، معقبًا: «لو كانت شافت اللي حصل كانت هتكون نار، إنما أبويا كان هادي جدًا، التلج نفسه».

أما عن شوقه لمصر، فقال بوضوح: «مصر وحشتني أوي، بس مصر اللي كنت أعرفها في 2014 مش هي مصر اللي بشوفها النهارده، كل حاجة اتغيرت».

كما تحدث باسم عن سبب اهتمام الجمهور بظهوره الإعلامي رغم غيابه الطويل، موضحًا أن الناس تتعامل مع لقاءاته كنوع من الترفيه، قائلاً: «الناس عايزة تتسلى، زي ما بتتفرج على ماتش كورة أو فيلم».