مصطفى هريدي: "ما برفضش الشغل.. بس محدش بيطلبني"

كشف الفنان مصطفى هريدي عن تفاصيل ابتعاده عن الساحة الفنية، مؤكدًا أنه لم يرفض أي عمل سواء في السينما أو الدراما، لكن الظروف هي اللي خلته يختفي فترة عن الأضواء.

وقال هريدي خلال لقائه في برنامج "واحد من الناس" مع الإعلامي عمرو الليثي: "بدأت مشواري الفني سنة 2002، وما رفضتش أي شغل اتعرض عليّ، لكن بعد 2011 سافرت الأردن، وبعد لما رجعت لقيت كل حاجة اتغيرت، ورغم كده اشتغلت مع الزعيم عادل إمام في مسلسلي (عفاريت عدلي علام) و(فالنتينو)."

وأضاف أنه مازال موجود في الوسط الفني، لكن محدش بيرشحه للأعمال حاليًا، موضحًا أنه بيحب شغله وما أصابوش الإحباط، وقال: "التمثيل لو مش بتشتغل مافيش رزق، وأنا حاليًا شغال في التجارة وبحاول أعمل حاجات تانية، ومش هطلع أعيط علشان محدش بيطلبني."