أسما شريف منير تفاجئ جمهورها بالحجاب في مهرجان الجونة

في أول ظهور لها بالحجاب، خطفت الإعلامية أسما شريف منير الأنظار خلال حضورها فعاليات الدورة الثامنة من مهرجان الجونة السينمائي، حيث شاركت جمهورها صورًا من الحدث عبر حسابها الرسمي على “إنستجرام”، معلّقة بكلمات تعكس مشاعر الفخر والامتنان للتغيير الذي تعيشه.

وكتبت أسما قائلة: "أول مهرجان جونة ليا بالحجاب، وأكتر مرة مبسوطة... السنة اللي فاتت كنت لسه ببني طريق جديد، بروح أي توك أو ماستر كلاس أتعلم، السنة دي كنت حاسة إننا كفريق بنقدّم حاجة ليها معنى، لكن في ٤٨ ساعة كل حاجة اتغيّرت فجأة".

وكشفت أسما أنها كانت على وشك الاعتذار عن الحضور بسبب عدم استعدادها، لكنها شعرت أن “الفرصة جات في وقتها”، مضيفة: "كنت مقررة مش هسافر، بس لما لقيت حد آمن باللي بنعمله وقالنا تعالوا السنة دي، قررت أكون هناك وأقدّم نفسي وعالمي الجديد".

وأكدت أسما أنها شاركت في مهرجان الجونة بعدة صفات في السنوات الماضية — كخبيرة تجميل، وإنفلونسر، ومنتجة لمشروعها “عالم تاني” — إلا أن مشاركتها هذه المرة بالحجاب جعلتها ترى نفسها بشكل “حقيقي من الداخل”.

وقالت: "أكتر حاجة فخورة بيها إن اللي بيحصل كله بتوفيق من عند ربنا ومجهود فريقنا اللي بيساعدني أحقق حلمي كل يوم... قرار واحد ممكن يغيّر كل حاجة".

واختتمت منشورها برسالة مؤثرة:>ة "أنا في الجونة مش علشان الـ red carpet، لكن علشان عالم تاني يكون موجود زي ما يستاهل. شكرًا لكل حد صدق وساعد وشجع… وشكرًا لنفسي إني كملت حتى لما كنت فاكرة إني مش هقدر".

يُذكر أن مهرجان الجونة السينمائي يشهد هذا العام مشاركة عدد كبير من نجوم الفن والإعلام، وتُعد إطلالة أسما شريف منير بالحجاب من أبرز لقطات دورته الثامنة.