بعد التنمر على نحافتها.. رضوى الشربيني تدافع عن هدى المفتي:"جالها غرغرينا وقصّت جزء من أمعائها"

دخلت الإعلامية رضوى الشربيني على خط الجدل الدائر عبر مواقع التواصل الاجتماعي حول الفنانتين هدى المفتي وتارا عماد، بعد تعرضهما لموجة من التنمر بسبب نحافتهما خلال ظهورهما الأخير في فعاليات مهرجان الجونة السينمائي بدورته الثامنة.

وخلال حلقة جديدة من برنامجها "هي وبس" على قناة dmc، عبّرت رضوى عن استيائها من تعليقات الجمهور قائلة:"تارا عماد وهدى المفتي عملولكوا إيه؟ لا الرفيعين عاجبينكم، ولا الكيرفي، ولا اللي مليانة شوية. لو فساتينهم مش عجباكم هما أحرار، كل واحد له ذوقه ومفيش حد الناس كلها بتحبه".

وأضافت في لهجة حادة:"هو إيه التنمر ده؟ أنتي عضمك باين، دراعك رفيع، شبه رجل الترابيزة؟ ليه؟! تارا موديل، وشغلانتها تتطلب إنها تحافظ على جسمها، وبتتعب علشان كده".

كما كشفت رضوى الشربيني عن تفاصيل أزمة هدى المفتي الصحية، التي مرّت بها مؤخرًا، قائلة:"هدى المفتي اللي بهدلتوها بالتنمر كانت مريضة.. جالها كورونا وبعدها جلطة في الوريد اللي بيوصل للأمعاء، وحصل انسداد وغرغرينا واضطرت تقص جزء من أمعائها.. البنت دي اتعذبت".