ياسر فرج: انتهيت من تصوير "وتر حساس ٢" وحسن البلاسي كان بيدعمني

انتهى الفنان ياسر فرج من تصوير مشاهده في مسلسل "وتر حساس ٢"

وقال ياسر فرج:" الحمد لله، خلصنا تصوير مسلسل وتر حساس٢ .. بشكر كل القائمين على العمل من كل قلبي،
الانتاج اللي كان فعلا بيوفر كل السبل وبيحل المشاكل  بمنتهى الخبرة  و الرقي في التعامل".

وتابع:"للأسف ما قبلتش أستاذ وائل فرج المخرج في العمل ده مع اني كان نفسي نشتغل سوا ، لكن لحسن حظي اني قابلت استاذ حسن البلاسي المخرج اللي كان بيدعمني أنا وكل زمايلي ، وبيشغل نفسه بكل التفاصيل وطول الوقت معندوش حاجة غير ازاي يجود في كل مشهد".

وأضاف: "الجميل في العمل ده ان كل اللي شغالين فيه كانوا بجد هدفهم واحد ازاي نعمل عمل ينجح والناس تحبه ، مفيش مين بطل ومين مهم مفيش مشاكل بين أقسام العمل كواليس المسلسل كانت ( شوب  حليب )، من حسن حظي اني كنت واحد من اللي شغالين في المسلسل".