رسالة مؤثرة من أدم محمد صبري عن والده النجم الراحل

كتب أدم الأبن الأكبر للنجم الراحل محمد صبري كلمات رثاء مؤثرة للغاية .. حظيت باهتمام وتقدير وحب من كل من قرأها علي صفحات التواصل الاجتماعي .
وكان قد سبقه شقيقه الأصغر أسر برسالة مشابهة نالت تعاطفت كبيرا وقراءات بالآلاف. 
وإليكم ما كتبه أدم محمد صبري عن والده :
بسم الله الرحمن الرحيم
رسالة الى عزيزي و حبيبي و اعز ناس لقلبي مع امي صحبي و اخويا و ابويا 
كنت يا حبيبي في كلام اكتر حد ناس بترتاح لي كنت حد كويس اوي و بشهادة كل ناس
ليا كتير معاك حلو كتير اوي

يوم ما رحت السعودية رجعت البيت انهرت من العياط و كنت زعلان جدا عشان هتفارقني و ماما كلمتك ڤيديو و قلت ليا انا عمري مهبعد عنك
يوم مرجعت و كنت جايب ليا جزمة فرحت بيها فرحة عمري مهنساها

يوم ما كان عندي ماتش كورة في مدرسة نزلت معايا مخصوص جبتلي جزمة رمادي 

مكنتش موافق البس ستارز عشان خايف على ركبي

كنت ديما لما حد يتعب تزعل و تتعسب و تلغي كل حاجة عشان تقعد معاه

يوم مروحت اول ماتش ليا في الاستاد ماتش زمالك و الاهلي مع مستر مازن عشان انت كان عندك شغل و بكلمك انا و اسر مبين الشوطين نقول ليك اننا كسبانين ١-٠ و الفرحة الي كانت فينا و انت بتهانينا

كل يوم لما نرجع من مدرسة و نقعد نتكلم عن ريال و برشلونة و تقعد تتريق عليا بسبب خصارة و نضحك و نهزر طول الطريق و تقول ليا مخترع الاسبان و انا بحاول اطلع ليك اسبان من ريال يا حبيبي

و تنزل من بيت مخصوص مدينة نصر تجيبني بعديها تروح تجمع نجيب اخواتي من مدرسة بعديها ترجع مدينة نصر تودينا تمرين  و بعديها تروح البيت لوحدك

اخر حاجة يا راجل يا جدع انك مردتش توديني نادي قوي و مشهور و مردتش تودينا انا و اخويا اسر بيتك الي هو نادي الزمالك و قلت لولدتي مش هيروحو نادي ولا هيلعبوا هناك غير لما يكونو قد الفانلة البيضة لانها تقيلة مش لاي حد

ربتنا على الاصول و الجدعنة الرجولة و كل الصفات الحلوة الي فيك يوم مطلبت منك اجيب القطة وافقت عشان تبقى زي حسانات دخلة لينا و سمتها انت بسبوسة و انك كنت قريب ليها و بتميزك عن الكل يا حبيبي

سبتلي مسؤلية كبيرة امي حبيبتي الي هحافظ عليها زي ما انت وصيتني و الوصية اني اكون مع اخواتي هنفضل مع بعض و بقيين على بعض زي ما انت طلبت كان نفسك تروح لمامتك و حماتك و الي هما جدتي الاتنين اكتر ناس حنو عليا اديك رحت ليهم يا حبيبي و اتخطفت مننا 

المسيرة الحلوة الي انت اتظلمت فيها هتتعود و هتعب و اشقى انا و اخواتي الثلاثة عشان سيرتك وسط ناس تبقى كويسة زي ما هي يا حبيب قلبي

لو فضلت اتكلم فيك لحد مروح ليك مش هخلص يا حبيب قلبي تستاهل كل خير

ارجو دعاء له بالرحمة و المغفرة

مع سلامة يا اغلى راجل عرفتو في حياتي يا قدوتي