محمد صلاح: لقاء مجدى يعقوب وسام على صدرى.. ووالدى صاحب الفضل فى كل ما حققته

أعرب النجم محمد صلاح، قائد منتخب مصر ولاعب ليفربول، عن اعتزازه الشديد بلقائه مع الجراح العالمى الدكتور مجدى يعقوب، مؤكداً أن هذا اللقاء سيظل أحد أهم الذكريات التى يفخر بها طوال حياته.

وخلال حوار جمعه بالدكتور يعقوب، قال صلاح: "سعيد جدًا إنى قاعد معاك، وهفضل أفتخر باللحظة دى طول عمرى. وأنا صغير كنت بلعب كرة شراب فى قريتى مع أصحابى، وماكنش فارق معايا اللعب فين، لكن لما انضميت للفريق الأول بدأت أحلم بالسفر لأوروبا. ولما وصلت هناك قلت لنفسى لازم أحقق حاجة محدش عملها قبل كده علشان أرفع سقف الطموح للأجيال اللى جاية."

وكشف صلاح عن الدور الكبير الذى لعبه والده فى مسيرته، قائلاً: "كان فى لاعببن نفسي أبقى زيهم زى الكابتن حسن شحاتة، لكن الوحيد اللى كان مؤمن بيا من البداية هو أبويا. كان بيصرف وبيتعب ومش عارف هل هنجح ولا لأ، ووالدتى كانت دايمًا خايفة عليّا. لكن هو كان ورايا فى كل خطوة، وعمري ما أنكر فضله. أنا مدين له بكل حاجة وصلت لها."

وجاء الحوار ضمن زيارة خاصة لصلاح لمؤسسة مجدى يعقوب للقلب، حيث تبادل الطرفان الحديث حول الإلهام، والإصرار، وأهمية دعم الأسرة فى تحقيق النجاحات الكبرى.