ماذا قال نجل المطرب محمد ثروت في عيد ميلاده الـ 35 ؟

 احتفل المخرج أحمد ثروت نجل المطرب القدير محمد ثروت بعيد ميلاده الـ 35، موضحا أهم ما تعلمه خلال السنوات الماضية. 

وقال أحمد ثروت نجل المطرب محمد ثروت: "في عيد ميلادي الـ٣٥، وفي كل سنة بتمرّ عليّا، بتأكد أكتر إن أهم نعمة في الدنيا مش النجاح ولا الشغل… أهم نعمة هي الناس اللي بتحبّك بصدق، واللي وجودهم في حياتك بيخلّيك إنسان أحسن".

وتابع: "اتعلمت إنك تكون حامد من غير شروط… تسعى، وتشتغل، وتتعب، بس في نفس الوقت تحافظ على كنوزك الحقيقية: أهلك، أصحابك، والقلوب اللي بتقف جنبك في كل لحظة. لأن دول اللي بيفضلوا… يوم ما تتعب، أو تمرض، أو حتى ترحل".

وأضاف: "واللي بيفضل فعلًا هو الذكرى، والدعوة الحلوة، واللحظة اللي بتبقي أثر في قلب كل واحد، لأن الاستثمار الحقيقي هو الاستثمار في الذكريات… بيخلي اللحظات تعيش فوق عمر الانسان.. شكرًا من قلبي لكل واحد افتكرني، وبعت كلمة، أو دعا لي… وجودكم حواليا بيكبر المعنى ويطوّل عمر اللحظات الحلوة ويارب تكونوا دايمًا بخير، في صحة، ووسط حبايبكم".