أول تعليق من هالة صدقي بعد حبس مساعدتها وتغريمها

 علقت الفنانة هالة صدقي، على حبس مساعدتها وتغريمها 20 ألف جنيها.  

وقالت هالة صدقي: "بالرغم أنه خبر حلو جدا ليا وكنت أتمنى العقوبة تكون أكتر من كدة لواحدة ما شافت مني غير كل خير ورعاية لها ولأختها وكنت بتعامل على انهم ولادي وعيب أقول اتعمل ليهم إيه والمحزن إن نفس الناس دي تبيعك ويضحك عليهم من أعز صديقة ليا لتتفيذ مخطط وهو محاولة الشوشرة عليا واعتقدوا أنها بفلوسها هتقدر تشتري كل الناس ونسيت إن في ناس شرفاء ومحترمين" . 

وتابعت: "وللأسف اللي كانت صديقة ستواجه نفس المصير لأني رفعت عليها نفس قضية الشغالة وهو السب والقذف والتشهير.. الحقيقة لا يفرقوا كتير عن بعض ، ضحكت عليها وأصبحت رد سجون ولم تنقذها نفذت المخطط وخلاص، حقيقي قصة محزنة، بعتذر اني بقحمكم في حياتي بس ده حقكم عليا". 

وأوضحت: "وفي النهاية مايسترو القضية المستشار شريف حافظ اللي نجح في إدارة القضية بحرفية شديدة ومواجهة كل الألاعيب الممكنة في المحاكم بشكرك جدا على دفاعك وإيمانك بالحق وانك عرفت بالقانون تتغلب على كل التأجيلات شكرا من قلبي يا شريف". 

وأضافت: "وما زالت أؤكد أن عمر زهران برئ وعمري ما أزعل على موقف أنا مؤمنة بيه لأن سؤالي قدام ربنا أهم من أي حد في الدنيا". 

وعاقبت محكمة جنح الاقتصادية حنية .ع.ع مساعدة هالة صدقي بالحبس شهر وكفالة 10 آلاف جنيه وتغريمها 20 ألف جنيها.