المنتج محمد العدل يعلق على أزمة الفنان محمد صبحي وسائقه

 علق المنتج محمد العدل، على أزمة الفنان الكبير محمد صبحي والسائق الشخصي لسيارته التي تصدرت التريند ومواقع التواصل الاجتماعي خلال الساعات الماضية. 

وقال محمد العدل: "بقت قلوبكم غليظة ..وقساه.. والترند عندكم أهم من اي حاجة، برغم أن موضوع محمد صبحي خد اكتر من حجمه وما كنتش أحب اتكلم فيه". 

وتابع :"لكن لما تقول لي لازم يراعي سن السائق انتوا كمان راعوا سن محمد صبحي اللى أكبر من السائق  وقد قارب على الثمانين وراعوا ظروفه الصحية". 

واستكمل:"وراعوا ان فيه ناس لازقة الموبايل في وشه وبتصوره وهو متنرفز وراعوا انه اتصل به ولم يرد.. وكلم حد يشتكي انه مش عارف يوصل للسواق وفى الآخر خد العربية ومشي ولم يقل للسائق اجري ورايا". 

وأضاف :" هو اللي جري ورا العربية.. لقمة عيشه صحيح  ومن حقه بيتشبث بها.. لكن هو اللي غلطان مش صبحي
ولا إدانة أي فنان بقت هى اللىي بتجيب الترند؟؟".