دانا حمدان تكشف موقف لها مع أحمد العوضي في عمل فني... ماذا قالت؟

كشفت الفنانة دانا حمدان، عن موقف لها مع الفنان أحمد العوضي. 

وقالت دانا حمدان: "شفت لقاء أحمد مع مدام إسعاد وفكرني بموقف حصل منه من سنين طويلة أوي واحنا بنصور مسلسل في ٢٠١٧". 

وتابعت: "ليس لي أي علاقة لا من بعيد أو من قريب  بتحيز من أي نوع وآخر مرة قابلت أحمد كان في مسلسل مليكة وده من فترة بعيدة جدا وأنا شخص في حالي وفي عالم لوحدي ده بس في حال حب حد يدخلني في موضوع ما يخصنيش وللكل عندي كل الاحترام والتقدير". 

واستكملت :" في يوم روحت التصوير وكانت مشاهد ليلية، وصلت اللوكيشن والغرفة اللي المفروض أقعد فيها كان فيها زميلة وكنا بنصور في فيلا (مفيش كرفنات) وكانت لسه ما خلصتش مشاهدها واحنا في الشتاء فسقعة موت فقعدت على كرسي في الكردور استنى الانتاج يشوف حروح فين، بالصدفة خرج أحمد من غرفته وشافني وراح صور مشهد ورجع وانا لسه قاعدة". 

وأوضحت :"فسألني مالك فقلتله مليش مكان بستنا فلانه تخلص، فدخل غرفته وقال للمساعد بتاعه فضيلها الغرفة وقالي تفضلي ما يصحش تقعدي كده لحد ما مكانك يفضى وهو ما يعرفنيش ولا أنا أعرفه وما شوفتوش بعدها حتى علشان أشكره لأن مكنش لينا مشاهد مع بعض لآخر  المسلسل بس كان موقف محترم جدا منه واللي حيقولي عادي حقولك لا مش عادي خاصة لما تكون مبتدئ". 

وأضافت : "وكان ممكن جدا أقعد ساعتين وأكتر ولا حد كان هيسأل لأن الغرف محدودة وغيره راح وجه وشافني وعادي جدا ولا الهواء علشان كدا عمري ما نسيت الموقف ده واللي يشتغل في الفن حيقولك مواقف البدايات هي اللي بتفضل في الذاكرة أكتر من بعد الشهرة والنجاح حتى لو كانت حاجات صغيرة".