أيمن بهجت قمر يودع 2025 ويكشف أمنيته في عام 2026

 حرص الشاعر والمؤلف أيمن بهجت قمر على توديع عام ٢٠٢٥،كما كشف عن أمنيته في عام ٢٠٢٦.

وقال أيمن بهجت قمر: "٢٠٢٥ سنة هفضل فاكرها اتعرض لي فيها كمؤلف ٣ أفلام اجتهدت فيهم على قد ما قدرت ( الهنا اللي انا فيه - ريستارت - طلقني)".

وتابع: "وده أعتقد حدث نادر الحدوث والتلات أفلام الحمد لله اعتلوا قمة الايرادات في مصر والوطن العربي ولكاتب بدأ الكتابة في بداية الالفية والحمد لله لسه مستمر".
 
واستكمل: "على مستوى الشعر قدمت أعمال لعمرو دياب ودنيا سمير غانم وشيرين عبد الوهاب وآمال ماهر  وآخرين ودي اعمال كلها انا راضي عنها".

وأوضح: "٢٠٢٥ كانت سنة صاحبت ولادي فيها أكتر وعرفت ناس جديدة وحقيقي كانوا مصدر سعادة ليا،
بعدت عن ناس وقربت من ناس".

وأضاف: "بتمنى  في ٢٠٢٦ اني أعيش في ستر وصحة وسلام ونجاح أنا وأولادي واسرتي.. كل سنة وانتم طيبين".