محمد عادل إمام: "عمري ما أحط حد في دماغي وأبويا علمني أكون ابن أكبر نجم في التاريخ"

كشف النجم محمد عادل إمام عن وصة والده له في التعامل بالوسط الفني. 

وقال محمد عادل إمام: "أنا مش عارف ليه فيه ناس فهمت إن أنا نزلت بوست لشخص محدد ..أنا عامله ليهم كلهم". 

وتابع: "ونتكلم جد شوية.. أنا عمري لا حطيت حد ولا هحط حد في دماغي وده اللي اتعلمته من أبويا ربنا يخليه لينا.. اني أكون ابن أكبر نجم في التاريخ ووصلت للي أنا فيه دلوقتي ده مكنش سهل أبدا وبحمد ربنا عليه كل يوم". 

وأوضح محمد إمام: "وده كان بفضل حبكم ودعمكم ليا بعد فضل ربنا سبحانه وتعالى .. يعني أنا أصلاً فيا اللي مكفيني، وحقيقي بتمنى الخير للجميع". 

وأضاف: "المنافسة دي بتخلينا نطلع احسن ما فينا و كل ده في صالح الجمهور العظيم اللي زيكم .. بشكر كل اللي بيحبني .. انا بحبكم اكتر بكتير و انتوا أهم حاجه في حياتي بعد عيالي".