رمضان ٢٠٢٦.. المخرج محمد سامي يشيد بمشاهد"الست موناليزا" من المونتاج

أشاد المخرج محمد سامي، بالمشاهد التي شاهدها من مسلسل "الست موناليزا" بالمونتاج، والذي تخوض بطولته زوجته الفنانة مي عمر.

وقال محمد سامي: "دعاني المخرج الكبير و أخويا المحترم أستاذ محمد علي و صديقي المنتج طارق فهمي للمونتاج في أغلى بوست هاوس على قلبي، شركة ميركوري اللي فيها أكتر ناس مخلصة ، و إتفرجت  معاهم على مشاهد من مسلسل الست موناليزا بطولة مى عمر و عدد كبير من النجوم والنجمات".

وتابع:"ما شاء الله على الروعة اللي أنا شفتها ، مسلسل جميل مكتمل في كل شئ ، كتابة من المؤلف الجامد محمد سيد بشير وتصوير للعبقري عمرو فاروق وملابس الفنان سعيد رمزي وديكور المتمكن كريم المهدي و إنتاج محترم من المنتج حسن العسيري وتنفيذ المحترمين الجامدين طارق فهمي و محمد عبد الوهاب و فريقهم اللي عامل مجهود جبار خالد أحمد كمال و أبو النصر ، مونتاج رائع للأستاذ الكبير معتز الكاتب و موسيقى جميلة للموسيقار الكبير عمرو إسماعيل ، ده غير إن كل الممثلين في أجمل حالة ليهم".

وأضاف:" بجد أستاذ محمد علي قائد يدير بحكمة وفن وإحترام و إحتراف شديد ده غير السلاسة و النعومة والمشاعر اللي متوزعة بميزان ذهب ، مبسوط أوي باللي اتفرجت عليه و ربنا يكملك يا محمد على خير و تنجح نجاح كبير بقدر إسمك و مكانتك و أجمل حاجة إن كل الشغل ده في محطة كبيرة مهمة واقفة ورا كل تفصيلة فيه ، البيت الكبير اللى بيدعم بإخلاص شديد و بيهتم بكل سطر فى المشروع قناة إم بى سى ، الجامدين بزيادة أستاذ محمد عبد المتعال وأستاذ محمد مصطفى".