وائل جمعة : لم أكن متفائلا قبل لقاء السنغال .. والشناوي مسؤول عن الهدف

وائل جمعة  مدافع منتخب مصر السابق الحاصل على كأس أفريقيا ثلاث مرات والمحلل الكروي قال خلال تحليله لمباراة مصر مع السنغال في نصف النهائي الأفريقي على قناة بي إن سبورتس : 
"قدراتنا كانت معروفة من بداية البطولة وأنا بصراحة ما كنتش بيني وبين نفسي متفائل بأكثر من كده للمنتخب على الظروف اللي كانت قبل البطولة والمشاكل اللي كانت عند اللاعبين وعدم الثقة في الكابتن حسام حسن كمدرب"
أضاف " أنا ألوم حسام فقط فى وأقول له طالما عندنا لاعبين في دكة البدلاء ليه ما بنستخدمهاش.. بان إن احنا لعيبتنا مرهقة ومتأثرة بشكل كبير جداً من المباراة اللي فاتت قدام كوت ديفوار واللي استُهلكنا بدنياً جداً"
و عن هدف السنغال قال : "الحضري كان معانا في الجيل بتاعنا بيروح له ثلاث كور .. الثلاث كور ثلاث أهداف زي دي بالضبط بيشيل الثلاثة أو كورتين يعني في خلال المباراة"
وإختتم كلامه قائلا : " إنت أما توصل للدرجة دي من البطولات إنت محتاج حارس مرمى يكون بيعرف يتعامل بشكل كويس جداً عشان توصل المباراة النهائية.. يعني كان لازم يتعامل برضه فيها أفضل من كده الشناوي حتى لو هو في صعوبة في التعامل مع الكورة والتسديدة"