سعد الصغير يزور منصور هندي بمنزله..ويعلق"النقيب وصل المعاش 3 آلاف"

 زار المطرب سعد الصغير، منصور هندي رئيس لجنة العمل بنقابة الموسيقيين في منزله بعد تعرضه لأزمة صحية.

وقال سعد الصغير: "ألف سلامة أستاذ منصور هندي رئيس لجنة العمل بنقابة الموسيقيين وكل الشكر للنقيب المحترم اللي دايما في ضهر كل واحد في نقابة من دعم كل فرد وكل فنان داخل نقابة الموسيقيين، النقيب المحترم وفنان بمعنى الكلمة مصطفى كامل اللي مع أعضاء النقابة في الفرح والحزن". 

وتابع: "واللي محدش يعرفه والله ما مجاملة ولا أي شئ آخر النقيب مصطفى كامل من أول يوم في النقابة، المعاش كان ٦٠٠ جنيه ودلوقتي وصل الى ٣ آلاف جنيه فـ ده دليل على نجاح غير النجاحات والأرقام التي دخلت النقابة وده بقوله بكل حب وفخر". 

وأوضح: "لما يكون نقيب النقابة بيحس بالغلبان وكل عضو في النقابه من علاج من فرح من حزن ويبقى في ضهرك في كل شئ ده دليل على نجاحات النقابة". 

وأضاف: "أنا سعد الصغير في بداية مشواري وقف جنبي ولحد الآن كل شكر للمحترم مصطفى كامل وآخر كلامي ألف ألف سلامه يا أستاذ منصور وربنا يتم شفاك على خير".