عبلة سلامة توجه رسالة لنجم منتخب مصر محمد صلاح بعد عودته قادما من المغرب

 وجهت الإعلامية عبلة سلامة، رسالة للنجم محمد صلاح لاعب منتخب مصر وفريق ليفربول الإنجليزي، بعد عودته قادما من المغرب.

وقالت عبلة سلامة: "إلى محمد صلاح الغالي علي قلبي وعلى قلوب ناس كتير ، النظرة اللي كانت في عينك وجعت قلبي بجد… مش بس علشان  ناس استنتك في المطار علشان تجرحك وتوجعك".

وتابعت:"علشان إحنا بقينا ناس بتقسى بسهولة وبننسى بسرعة وبنهاجم بمنتهى التوحش..ما تزعلش يا ابني العيب فينا.. مش عارفة احنا القسوة دي طول عمرها موجودة ولا احنا اتغيرنا .. ولا الستر اتشال عنا ؟! وبقينا بنشوف بعض من غير رحمة من غير حب ومن غير تقدير ".

واستكملت:"بقينا ننسى الغالي وننسى أي موقف حلو جمعنا ولا بنعذر ولا بنسامح.. وما بقاش عندنا عزيز ولا غالي.. وبقينا نحاسب بعض بقسوة أكتر بكتير ما بنحاسب نفسنا".

وأضافت: "لو تعرف قد إيه فيه قلوب لسه بتحبك وبتحترمك وبتشوفك إنسان قبل ما تكون نجم… أنا كأم أتمنى ابني يكون زيك في موهبتك .. في أخلاقك .. في التزامك .. في كفاحك .. في نجاحك .. وفي إيمانك". 

واختتمت:"أوعى تزعل الوجع اللي شوفته في عينك،وجع قلبي اوي كمصرية فخورة دايما بيك .. وكأم 
ربنا يحميك يا ابني ويبعد عنك اي شر".