لقاء الخميسي تكشف موقفها النهائي مع زوجها بعد اكتشافها زواجه سرا من فنانة

 كشفت الفنانة لقاء الخميسي، عن موقفها النهائي من زوجها حارس الزمالك الأسبق محمد عبدالمنصف بعد اكتشافها زواجه سرا من الفنانة إيمان الزيدي. 

وقالت لقاء الخميسي: " الدنيا يتختيرنا دايماً وأبداً ، أيام بتسعدنا وأيام يتبعدنا وتزعلنا وتجرحنا ..
وبنتوه مع نفسنا! الحكمة بتظهر من قلب الحزن .. وبنقعد نفكر ايه الصح وايه الغلط وهل اللي عدينا بيه شر ولا خير".

وتابعت: "ومع الوقت، ولما النفس تهدى والعقل يفكر والقلب يدق ، بنكتشف ان كلنا ينغلط وبنتوه شوية في وسط الزحمة ، في ناس بتغلط وتكمل في الغلط ! وفي ناس بتغلط و يترجع لحكمتها ويتندم وتصحح الخطأ .
"خطائين وخير الخطائين التوابين.. مفيش حد ما بيغلطش، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح". 

واستكملت: "شكرا من قلبي لكل انسان دعمني ووقف جنبي وطبطب عليا وشكرا لكل اصدقائي المقربين اللي وفقو جنبي وكل من دعمني من اصدقاء السوشيال ميديا اللي نوروا حياتي بالمحبة وطبطبوا على قلبي ودعالي دعوة حلوة".

وأوضحت: "آخر حاجة هقولها، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا واولادنا يالحب والسلام .. كلنا بنغلط ، وبنندم ونرجع لصوابنا .. ونرجع ببداية جديدة مليانة شغف وحب وسلام وراحة بال". 

وأضافت: " لكل ست وربة منزل حافظي على بيتك وعيلتك بكل قواكي وأوعي تدي الفرصة لأي انسان انه يهدم بيت العيلة، بيت العيلة هو الأمان والدفا ولو اتهزها هايرجع تاني أقوى من الأول.. بحبكم من كل قلبي أصدقائي وعيلتي الكبيرة".