"المسلسل هيجيب حرقان" شقيق ياسمين عبدالعزيز يوجه رسالة جديدة غامضة

 حرص الفنان وائل عبدالعزيز شقيق النجمة ياسمين عبدالعزيز، على توجيه رسالة جديدة لكل من يحاول تشويه صورة شقيقته.

وقال وائل عبدالعزيز: "٣٠ مليون مشاهده في ١٢ ساعة للبرومو ولا عزاء للحاقدين، ولسه المسلسل ينزل ويجيب حرقان". 

ووجه شقيق ياسمين عبدالعزيز، رسالة شديدة اللهجة، قائلا: "هتتجاب أنت واللي وراك واللي مشغلينك وهحبسكم كلكم.. اتقل ده أنا مستني اللقطة دي من ٥ سنين.. ده كان كبيرك الضرب من تحت الحزام زي النسوان .. بس ربك أذن وغطاء الستر عنك اترفع... بكرة تنور صفحات وزارة الداخلية.. البلد فيها قانون". 

وكانت ياسمين عبدالعزيز كتبت عبر حسابها على فيسبوك: "الحملات بدأت ومطلعني عريانة في كل حتة.. طيب تمام نرفع قضية ومباحث الإنترنت تجيب مين اللي ورا الحملات والتشويه لصورتي بالطريقة دي !! كل دة عشان اعلان المسلسل نزل ؟؟ أمال لما المسلسل ينزل هتعملوا ايه؟". 

وأضافت ياسمين عبدالعزيز: "اللي عمل الصفحات والبوستات دي هقوله حاجة واحدة بس ..حسبي الله ونعم الوكيل فيك، يا رب يتردلك في أمك وأختك وبنتك ومراتك وستات بيتك كلهم يا رب".