ابنة احمد راتب توجه رسالة مؤثرة لوالدها الراحل في ذكرى ميلاده

 وجهت لمياء راتب ابنة الفنان أحمد راتب رسالة مؤثرة لوالدها الراحل في ذكرى ميلاده.

وقالت لمياء راتب: "بكرة عيد ميلاد أبويا، الراجل اللي علمني قيمة التفاصيل والإنغماس في المتع البسيطة اللي نابعة من جواك الأول.. المثقف اللي حببني في القراءة و عشق العربية الفصحى ، صاحب البصمة الأهم و الأكبر في تكوين شخصيتي و وجداني و إستيعابي للعالم ..اللي إتعلمت معاه إن أي شيئ غير صادق ملوش قيمة وإن العطاء بيسعد اللي بيقدمه في المقام الأول قبل ما يسعد غيره، إن الفطرة السليمة هي اللي هتحطنا على أول طريق الجنة".

وتابعت:"أهم الدروس اللي إتعلمتها من أبويا إتعلمتها منه و هو ساكت من غير ما يتكلم..شربت تصرفاته و رؤيته للعالم و خدت منه حاجات كتير أسوأها فرط التفكير".

وأضافت ابنة أحمد راتب:"كل سنة و إنت حبي الأول وبطل روايتي و مُلهمي وصديقي الأبدي..وحشتني أوي يا بابا ،يا رب تكون مبسوط في الجنة".