مؤلف "وننسى اللي كان" يرد على جدل تشابه أحداث المسلسل مع حياة ياسمين عبدالعزيز

 رد المؤلف عمرو محمود ياسين، على جدل تشابه أحداث مسلسل "وننسى اللي كان" مع حياة الفنانة ياسمين عبدالعزيز وما حدث معها منذ ارتباطها بالفنان أحمد العوضي وانفصالها عنه.

وقال عمرو محمود ياسين:"بقرا كتير  بوستات وتعليقات عبيطة وبضحك من سذاجة المكتوب.. كلمتين هقولهم ... عمر ما حصل ولا هيحصل اني أكتب الدراما بتاعتي لخدمة  أهداف محددة.. لا حصل ولا هيحصل ولا عمر ده اتطلب مني أصلا".

وتابع:"أنا بحترم مهنتي جدا وصوتي من دماغي..أنا مؤلف بيحضر تصوير كل شوت في مسلسله عشان أضمن دايما أن النص بتاعي بيسير في الاتجاه اللي أنا مقتنع بيه ..وبقف على الكلمة والحرف و كل اللي اشتغلوا معايا عارفين الكلام ده".

وأوضح:"يعني قصة اي مسلسل هي قراري واختياري..عنوان المسلسل ..أسماء الشخصيات كل حرف وكلمة هو ملكي ومسؤوليتي ..وفي نفس الوقت بيتم في إطار شغل جماعي واحترام متبادل بيني وبين كل عناصر العمل".

 استكمل:" لكن اي بقى تفصيلة تتشابه او تتقاطع مع اي شخصية في الحياة فده أمر وارد ..لأن أي مؤلف في الدنيا ينهل من وعاء الحياة والمجتمع اللي عايش فيه. فا كفاية افتراضات ساذجة".

وأضاف:"الحمد لله اني بشتغل دايما مع فنانين ونجوم محترمين أقدر حجمهم وبيقدروا دوري وشغلي ..و اشوفكم قريبا  في رمضان  ان شاء الله".

يذكر أن، الفنان خالد سرحان يجسد بالمسلسل شخصية طليق الفنانة ياسمين عبدالعزيز ويحاول تشويه صورتها إلكترونيا.