غادة عبد الرازق تثير الجدل قبل عرض مسلسلها الجديد

أثارت الفنانة غادة عبد الرازق الجدل بسبب تصريحاتها الأخيرة في أحد البرامج، حيث تصدرت غادة تريند جوجل بسببها.
وحلت غادة عبد الرازق ضيفة على برنامج برنامج سبوت لايت على قناة صدى البلد، وادلت بتصريحات جريئة ومثيرة للجدل عن عادتها الرمضانية، من بينها عدم صومها رمضان أثناء العمل.
وقالت غادة بفضل الجلوس في البيت والبقاء مع أبنائي بالشهور بدون عمل، وأنا بيتوتية ممكن أفضل 5 شهور قاعدة في البيت.
وأضافت لما بيكون عندي تصوير مش بصوم لأني مش بقدر، خاصة أني باخد أدوية ومناعتي ضعيفة وممكن أشتغل من سبعة الصبح لحد 1 أو 2 الصبح.
واستطردت قائلة لو مش عندي تصوير بعمل زي كل الناس وبصوم الحمد لله، وإحنا مش جايين من كوكب تاني بعمل زي الناس في كل بيت مصري.
واستكملت كلامها قائلة أسرتي لما تيجي التصوير بينبسطوا والحاجة الوحيدة اللي بتخرجني من التصوير إني رايحة للدكتور أو رايحة للشغل.
وعن اختيارها لمسلسل تلت التلاتة تقول اخترته من سنتين وقعدت سنة ونص عليه كتابة وكان 30 حلقة لكن حصل مشاكل إنتاجية فكان هيتكلف كتير، فانسحبت، وعدت للعمل مرة أخرى، فتوصلنا إلى تصوير العمل في 15 حلقة، وقلت للشركة المنتجة خلوا تلت التلاتة أخر 15 عشان العمل يكون متحضر بشكل كبير، والعمل ضغط عليا نفسيًا بشكل كبير.
وانهت كلامها قائلة ليلى أحمد زاهر كانت مرشحة للدور في مسلسل تلت التلاتة، وحتى رغم الخلافات مع أحمد زاهر، ليلى ستكون الفتاة المرشحة للدور وفي مسلسل تلت التلاتة.