المنتجة مها سليم عن هند صبري:"ساعدتني في علاج بنتي"

 تحدثت المنتجة مها سليم، عن الفنانة هند صبري ومساعدتها لها في علاج ابنتها.
وقالت مها سليم: "من كام شهر الفنانة والنجمة الكبيرة هند صبري كلمتني وكأن بقالنا فترة ما انكلمناش وبالصدفة رديت عليها وكنت منهارة لان بنتي كانت تعبانة جدا وكنت بدور على دكتور وفي دقايق قلبت الدنيا وكلمت الدكتور ووصلتني بيه". 
وتابعت:"مش بس كده كلمتني تاني يوم تطمن بعد ميعاد الدكتور ، ومش بس كده فضلت كل كام يوم وخلال الكام شهر اللي فاتو وفي وسط شغلها وبيتها والتزاماتها بتبعت لي تطمن على بنتي كأنها فرد من عيلتها واحنا مفيش بينا شغل ولا اي مصالح ".
أوضحت :"هي دي البني ادمة الانسانة واللي ورا النجمة الكبيرة اللي اسمها هند صبري، وعلشان كده انا بقول لها انتي دايما في قلبي وعلي راسي أنا وبنتي".
وأضافت:"بتمني لك من كل قلبي نجاح كبير جدا كالعادة لمسلسلك ، وأتمنى للمخرج المحترم الخلوق حسين المنياوي النجاح الكبير".