النائبة سحر البزار تدعو الحكومة لإنشاء تطبيق موحد للخدمات للقضاء على “مدام عفاف”

قالت النائبة سحر البزار عضو مجلس النواب إنها تقدمت اليوم باقتراح برغبة موجه للسيد رئيس الوزراء و و وزير الاتصالات لإنشاء تطبيق حكومي موحد (Super App) يجمع كل الخدمات الحكومية في مكان واحد، من أجل أن نخفف الضغط عن المواطن ونرفع مستوى رضاه عن الخدمات.

وأضافت النائبة البزار "الحقيقة اللي لازم نقولها بصراحة مستوى رضا المواطن عن الأداء الخدمي الحكومي حاليًا من متوسط لمنخفض علي حسب الإحصاءات الدولية ، والسبب الرئيسي تعقيد الإجراءات والبيروقراطية اللي بتخلي المواطن بيتعب علشان يخلص خدمة بسيطة

وقال متسألة طيب البيروقراطية دي بيكلفنا كام؟

وفقًا لتقديرات World Bank البيروقراطية وضعف الكفاءة الإدارية ممكن تكلف الدول من 2% إلى 5% من الناتج المحلي سنويًا وفي حالة مصر ده يعادل تقريبًا 8 إلى 20 مليار دولار سنويًا

يعني ببساطة إصلاح الإجراءات ممكن يعوض خسارة في حدود 10 مليار دولار — رقم قريب من إيرادات قناة السويس في بعض السنوات.

و عليه اقترحت تطبيق موحد عليه كل خدماتك الحكومية في مكان واحد و النماذج الدولية أثبتت إن ده مش حلم، ده واقع بيتطبق بنجاح زي في الصين، تطبيق WeChat بقى منصة ضخمة بتضم ملايين الخدمات ما بين خدمات حكومية، مالية، وصحية وتجارية في تطبيق واحد وفي سنغافورة، بيقدم أكثر من 100 خدمة حكومية متكاملة للمواطن حسب مراحل حياته أما في الإمارات، تطبيق DubaiNow بيوفر أكثر من 250 خدمة حكومية من خلال أكثر من 35 جهة حكومية في منصة واحدة التجارب دي أثبتت إن توحيد الخدمات مش بس بيرفع رضا المواطن، لكن كمان بيوفر وقت ومليارات على الدولة

ليه ده مهم؟

لأن:
 • المواطن هيخلص خدماته بسهولة → رضا أعلى
 • الدولة هتوفر مليارات → كفاءة أعلى
 • الاستثمار هيزيد → نمو حقيقي
 • الاقتصاد غير الرسمي هيدخل المنظومة

من الاخر مصر مش محتاجة مجهود أكتر…محتاجة سيستم أبسط وأذكى .. القضاء على “مدام عفاف” مش رفاهية ده إصلاح اقتصادي حقيقي و  سيادة حقيقية لبيانات المصريين"