النائبة سحر البزار تدق ناقوس الخطر وبالارقام :هجرة الأطباء قضية أمن قومي

كعادتها دائما دقت النائبة البرلمانية سحر البزار ناقوس الخطر بسبب هجرة الأطباء ووصفتها بإنها قضية أمن قومي وذلك من خلال الإحصاءات الرقمية التي قدمتها النائبة للحكومة أما عن التفاصيل فهي في السطور التالية:

المعدل العالمي حوالي ٣ أطباء لكل ١٠٠٠ مواطن و دول مثل  ألمانيا ٤.٥ لكل ١٠٠٠ لكن في مصر أقل من ١ لكل ١٠٠٠ مواطن بسبب هجرة الاطباء و هذه مشكله أمن قومي لان من غير دكاتره لايوجد منظومة صحية و لو مفيش منظومة صحية مين يخدم ملايين المصريين ؟ 

و من أجل ذلك  اليوم قدمت طلب إحاطة لوزير الصحة عن هجرة الأطباء من مصر هذا كلام النائبة سحر البزار عضو لجنة الشؤون الخارجية بمجلس النواب ٠

وأضافت البزار ورغم إننا عملنا إنجازات كبيرة في الصحة:
✔️ فحص ٦٠ مليون مواطن لفيروس سي
✔️ علاج ٤ مليون مريض بنسبة شفاء ٩٩%
✔️ شهادة ذهبية من منظمة الصحة العالمية
✔️ انخفاض وفيات الأمهات بشكل كبير
✔️ زيادة متوسط العمر لـ ٧٢ سنة

لكن في نفس الوقت… عندنا أزمة حقيقية ٠

وقال النائبة  أن ١٢٠ ألف طبيب مصري شغالين بره
-مقابل ٨٢ ألف بس جوه مصر
٨٩% من طلاب الطب ناويين يسافروا
- مرتب الطبيب الحكومي حوالي ٥٠٠٠ جنيه (١٠٠ دولار)
- بدل المخاطر = ٣٠ جنيه!
- عندنا ٠.٧ طبيب لكل ١٠٠٠ مواطن (أقل من نص المتوسط العالمي)
- الاستقالات وصلت لـ ٧٠٠٠ طبيب سنويًا

وفي نفس الوقت:
- ٨٨% من الأطباء اتعرضوا لإهانة
- ٤٢ % اتعرضوا لعنف جسدي

المشكلة مش إننا مش بنخرج أطباء…
المشكلة إننا مش قادرين نحتفظ بيهم

وأوضحت النائبة أن هذا الملف ليس  رفاهية

ولابد أن  نتحرك في:
✔️ الأجور
✔️ بيئة العمل
✔️ الحماية
✔️ الاستفادة من أطباء مصر في الخارج

علشان ببساطة من غير دكتور، مفيش منظومة صحة٠