النائبة سحر البزار تضع 5أفكار للحكومة لتعظيم الاستفادة من أصول الدولة

الحكومة عندها حوالي ٥٠٠ ألف مبنى في كل محافظات و عندها ديون بتريليونات، ف السؤال المهم: كام مبنى فيهم بيكسب؟ وكام مبنى متساب من غير استغلال؟

بالمقدمة السابقة عبرت النائبة سحر البزار وكيل أول لجنة العلاقات الخارجية بمجلس النواب عن صندوق أفكار تضعه أمام الحكومة لإختيار مايناسبها قائله " إحنا قدام فرصة حقيقية نحول الأصول دي لـ دخل مستدام يخفف الضغط على الموازنة ويساعد في تقليل الدين العام—لو اتدارت صح وبفكر استثماري.

أفكار واضحة وسهلة التنفيذ:
 
* تأجير الأسطح للإعلانات
خصوصًا الإعلانات الديجيتال في الأماكن المميزة… ممكن 
المبنى الواحد يدخل لحد مليون جنيه في الشهر.
 
* تأجير الأسطح لشركات الاتصالات
لتركيب أبراج وأنظمة تقوية الشبكة… دخل ثابت بالملايين + تحسين خدمة الموبايل والإنترنت للمواطنين.
 
* استغلال الأسطح في الطاقة الشمسية
نوفر كهرباء للمباني أو نبيع الفائض… دخل مستمر وتقليل مصاريف.
 
* تشغيل المخازن المقفولة (حوالي ٤٠٠٠ مخزن)
بدل ما هي واقفة، تتأجر للقطاع الخاص وتدخل دخل مباشر.
 
* تحويل بعض المباني لمكاتب أو Co-working spaces خصوصًا في الأماكن الحيوية… دعم للشباب والشركات + عائد ثابت للدولة.

رغم وجود صندوق مصر السيادي، اللي شغال على تعظيم الاستفادة من أصول الدولة،إلا إن اللي اتعمل لحد دلوقتي نسبة صغيرة جدًا مقارنة بحجم الأصول ، الفجوة كبيرة بين اللي نملكه واللي بنستغله… ودي فلوس ضايعة علينا.

وأردفت النائبة البزار بالقول علشان كده تقدمت رسميًا بـ طلب إحاطة لوزير المالية ووزير التخطيط، علشان يبقى في خطة واضحة و شاملة لإدارة أصول الدولة مش مشاريع فردية و تعظيم العائد منها بشكل منظم و ضمان الشفافية والكفاءة في التشغيل٠

إدارة الأصول مش رفاهية دي فلوسنا اللي لازم تشتغل.
ومصر عندها فرصة كبيرة جدًا تحقق دخل قوي من غير ما تزود أعباء جديدة.