![](https://misrelaan.com/assets/front/images/poster1.jpg)
أبن مصر
![](https://misrelaan.com/storage/uploads/articles/afcbb092-d780-4f11-9ff2-19487ec9af91-xkDJfR.jpg)
![](https://misrelaan.com/assets/front/images/poster2.jpg)
مبروك للمنتخب السعودي الشقيق فوزه الغالي علي منتخب الارجنتين المرشح الاول لحصد لقب مونديال قطر لكرة القدم وبالروح المعنوية العالية وبالمثابرة والاصرار دك المنتخب السعودي الحصون الارجنتينية وبعدها بساعات أثلج صدورنا المنتخب التونسي بتعادل مع منتخب شرش الدنمارك ليضع فوز كان الاقرب له فمبروك للعرب في يومهم بالمونديال وهنا يأخذنا الحديث عن شاب مصري اسمه "رام ماضي" سافر لـ قطر من حوالي أسبوع مش عشان يتفرج على مبارايات كأس العالم بس لكن كان عنده هدف تاني أكبر وأهم.. إيه الحكاية؟..
"رام" قرر يلبس تيشرت مكتوب عليه Follow Me to Egypt ويلف بيه في كل شوارع العاصمة القطرية الدوحة طول أيام وفعاليات البطولة وفي التجمعات الجماهيرية عشان يلفت نظر الناس في الشوارع لزيارة مصر ولو حد منهم وقفه وسأله بيتكلم معاهم بمنتهى الصبر عن بلدنا عشان يشجعهم يزوروها..
بيقول "رام" في حوار مع الصحفية "أمنية سعيد": (أنا طبقت الفكرة دي قبل كدا في إسكندرية لكن المرة دي مختلفة عشان ده حدث دولي وبيشارك فيه وفود عالمية، وحاولت أختار جملة مختلفة عن الجمل الكليشيه وكان قصدي بيها تعالى معايا مصر)..
الجميل في الموضوع إن "رام" فوجيء بناس كتير من الجالية المصرية عايزين نفس الديزاين عشان يطبعوه هما كمان ويشاركوا معاه في المبادرة!.. كمان بيحاول يتواصل مع السفارة المصرية في قطر لإنه بيحلم الفكرة تبقى قانونية ويكون فيه جزء مخصص للترويج للسياحة المصرية خلال فعاليات كأس العالم من خلال QR Code والناس تعمله Scan مثلًا يوصلهم بأبرز المعالم عندنا أو أبرز عروض السفر والسياحة في مصر..
"رام" ناوي يشجع المنتخبات العربية خلال المونديال، وناوي يروج للسياحة المصرية في المدرجات كمان زى ما عمل كده بره.. بيقول: (أنا معايا علم مصر كبير وناوي أحضر بيه جوة المدرجات في مباريات الفرق العربية)..
صحيح مصر غابت عن المشاركة في كأس العالم وكنا كلنا بنحلم نكون في الحدث العالمي الكروي الأهم بس ورغم كده فيه تواجد مصري من نوع مختلف شارك فيه "رام" الشاب المصري الجميل اللي قرر يستغل الحدث عشان يروج للسياحة المصرية بدون ما حد يطلب منه ده لإن اللي كان بيحركه هو محبته لبلده فقط لا غير.
سيظل المصري عاشق لتراب وطنه ويفتخر به في أي بقعة من العالم لان مصر التاريخ والجغرافيا والحضارة وهنا نفتخر جميعا ونقول أنا"أبن مصر"
![](https://misrelaan.com/assets/front/images/icons/seemore.png)
![](https://misrelaan.com/assets/front/images/morab-ads.jpg)
استطلاع راى
مع أم ضد عرض فيلم "الملحد" في السينمات؟
نعم
لا
اسعار اليوم
![](https://misrelaan.com/assets/front/images/slider-img.jpg)
![](https://misrelaan.com/assets/front/images/icons/thmost.png)