رئيس الاتحاد السكندري يرفض الاعتراف بإنسحاب فريق السلة امام الاهلي .. ويقول انها مسرحية!

صرح محمد أحمد سلامة رئيس الاتحاد السكندري بأنه يرفض الأقاويل بان فريقه لكرة السلة انسحب من مباراته امام الاهلي في نهائي بطولة دوري المرتبط 
وقال نصا في حوار له مع قناة أون سبورت عقب مغادرة فريقه صالة المباراة:  
" الاتحاد منسحبش من المباراة احنا يافندم اتفقنا مع مراقب المباراة ومع اداري الاهلي ان المباراة هتتأجل لبكره خصوصا بسبب تاخر انطلاق المباراة اللي استمر ساعتين بعد احماء اللاعبين وف حالة لعب المبارة هيتسبب ف اصابات للاعبين"
أضاف : "أتفقنا علي تاجيل المباراة... وبعد ما خرجنا من الصالة ومشينا لقينا ناس بتكلمنا بتقولنا ده المراقب والحكام نزلوا الملعب وفريق الاهلي بيعمل احماء في الصالة... وانا بصراحه مش فاهم هوا احنا ف فيلم كوميدي ولا مسرحية لما يكون ف اتفاق ع تاجيل مباراة وبعد مانمشي الاهلي ينزل الصالة ويكسبوا البطولة....!! 

وقال أيضا رئيس الإتحاد السكندري : :وتاني حاجه احنا بنلعب ع صالة الاهلي والشركه اللي بتأمن المباراة وبسببها المباراة اتاخرت عن موعدها تبع الاهلي..... واحنا مش هنسكت وهنعمل اجتماع مجلس ادارة وحناخد قرارات ضد المسرحية اللي حصلت دي عشان الاتحاد نادي جماهيري"