بدرية طلبة تحذر من تجاوزات السوشيال ميديا: لا أحد فوق القانون

وجهت الفنانة بدرية طلبة رسالة حادة على حسابها الرسمي بموقع فيسبوك، مؤكدة خطورة التعليقات المسيئة والتجاوزات الإلكترونية.

وكتبت طلبة: "شكلك ايه لما الادمن يدخل يقولك حنبلغ مباحث النت بالتعليق وتضطر تعتذر وتقول دي بنتي الصغيرة اللي كتبت الكلام أو ابني الصغير اللي بعت الرسالة دي". 

وأضافت: "طب ليه تعمل جامد وتغلط وانت مش مسؤول عن اللي بتعمله؟ طب شكل حضرتك ايه لما تلاقي نفسك قدام قضية حبس أو غرامة بسبب تعليق بايخ؟ إحنا حذرنا مليون مرة وقلنا احترم تُحترم".

وتابعت: "لو الصفحة مش عاجباك متتابعهاش، ولو صاحبة الصفحة زعلت روح اشتكيها في مباحث النت وخد حقك بالقانون. لكن لو تغلط، اتحمل رد فعلنا وبالقانون، دلوقتي دا متاح للجميع، لكن كام واحد شايف نفسه فوق القانون؟ مفيش حد فوق القانون".

كما أثارت الفنانة الجدل عبر حسابها الشخصي بموقع إنستجرام بعبارة غامضة: "أنا امرأة يُحارب الله عنها، فلا ترهقوا أنفسكم في إيذائها".