"ضد القايمة المتخلفة".. راندا البحيري تثير الجدل بدعوتها لإلغاء قائمة المنقولات

أثارت الفنانة راندا البحيري حالة من الجدل على السوشيال ميديا، بعد دعوتها الصريحة لإلغاء قائمة المنقولات الزوجية وتحميل الرجل كامل مسؤولية تجهيز بيت الزوجية.

وكتبت البحيري عبر حسابها على فيسبوك منشوراً قالت فيه: "معاً لعدم تجهيز الرجل المصري وبيت الرجل المصري.. ومن استطاع منكم الباءة فليتزوج، وإن لم يستطع فعليه بالصيام".

وأضافت الفنانة: "ومع كمان إلغاء القايمة.. اللي عايز يتجوز يتجوز، الرجل اللي عايز يتجوز يجيب بيت، إيجار، تمليك، بيت عيلته، اللي يقدر عليه يجيبه".

وأوضحت راندا أن تجهيزات المنزل والشبكة يجب أن تكون حسب مقدرة الزوج المادية فقط، قائلة: "البيت والتجهيز بتاع البيت كله على الزوج، ولكن يجهز بالطريقة اللي يقدر عليها، يعني ما تقولوش عايزة براند كذا وعايزة أشتري من الحتة الفلانية".

واقترحت أن يتفق الطرفان منذ بداية الزواج على شكل الحياة بعد الطلاق، سواء بترك الزوجة للمنزل أو استمرارها فيه في حالة وجود أطفال، مع توفير الزوج لمسكن آخر لنفسه.

واختتمت حديثها برسالة حاسمة قالت فيها: "أنا ضد تجهيز الرجل، وضد القايمة المتخلفة اللي كل الناس بتاخدها بس علشان تستخدمها ضده لو عمل حاجة".