رانيا فريد شوقي تحتفل بعيد ميلاد محمد منير برسالة خاصة له

 وجهت الفنانة رانيا فريد شوقي، رسالة خاصة للكينج محمد منير احتفالا بعيد ميلاده. 

وقالت رانيا فريد شوقي في رسالتها لمحمد منير: "كل سنة وأنت طيب يا كينج، يا أسطورة، يا حدوتة مصرية بجد.. محمد منير مش مجرد مطرب، ده حالة خاصة بصمة في تاريخ الفن المصري".

وتابعت: "كل أغنية من أغانيه وراها ذكرى وحكاية عاشت معانا على مدار أجيال، بصوته المميز وروحه المصرية الأصيلة اللي ملهاش شبيه".

واستكملت: "ومن حظي إني اشتغلت معاه مرتين، أول مرة سنة 1993 في فيلم ليه يا هرم وأنا لسه صغيرة في بداياتي، وبعدها في مسلسل المغني .. سنة 2016 أنا أصلا من عشاقه ومعجبينه، وكل ما أشوفه بجري عليه عشان أتصور معاه .. لدرجة إنه أكيد زهق مني". 

وأضافت: "كل سنة وأنت منور حياتنا بفنك، وربنا يخليك لينا وللفن المصري.. بحبك أوي يا كينج".