ماذا قالت رانيا فريد شوقي عن خيرية أحمد في ذكرى وفاتها؟
استعادت الفنانة راينا فريد شوقي، ذكرياتها مع الفنانة الراحلة خيرية أحمد في ذكرى وفاتها التي توافق اليوم الخميس 19 نوفمبر.
وقالت رانيا فريد شوقي: "أنا مش فاكرة ده كان عيد ميلاد مين؟، النهاردة ذكرى وفاة حبيبة قلبي الفنانة خيرية أحمد.. أنا محظوظة إني اشتغلت معاها كتير، ومن أهم الأعمال اللي جمعتنا مسلسل (عائلة مجنونة جدا)".
وتابعت: "كنت أول ما أعرف إننا هنشتغل في نفس المسلسل، بفرح أوي.. بحس براحة وسعادة لمجرد إني هكون معاها.. القعدة معاها كانت تسعد القلب، وكنا قريبين من بعض حتى بعيد عن الشغل، وكان دايما بينا تواصل".
واستكملت: "فاكرة أحلى أكل من إيديها.. كانت تعمل الأكل في البيت وتجيبه معاها وتعزم الكاست كله، ونقعد كلنا ناكل سوا.. ونحلي بأحلى كريم كراميل ولا رز بلبن من إيديها".
وأضافت: "ياه على الناس الحلوة والأيام الحلوة.. كنا بجد كأننا عيلة واحدة، مش مجرد زمايل في مسلسل.. خيرية أحمد ما كنتش بس فنانة مميزة، دي كانت إنسانة جميلة بكل معنى الكلمة، ووجودها كان بيضيف بهجة ودفا لكل اللي حواليها.. وحشتيني يا حبيبتي.. ربنا يرحمك ويجعل كل الحب اللي زرعتيه في قلوبنا في ميزان حسناتك".






