أحمد حلمي: عضني حمار.. وهذ سبب كبر ودني

أعلن النجم أحمد حلمي، تعرضه إلى إصابة من قبل الحمار في صغره، وذلك خلال لقائه في برنامج Sold Out، الذي يقدمه الإعلامي محمود سعد.

وقال أحمد حلمي: كنت شقي جدًا في طفولتي وكان عندنا حمار بعربة كارو دايمًا تحت البيت وفى مرة عضنى.

وتابع: أعتقد إن ده الحمار الوحيد اللى في العالم بيعض، وروحت للدكتور وقالي أنا محدش قالي قبل كده إن عضه حمار.

وأضاف: وكنت وأنا صغير  بتنى ودني وأنام عليها فبقى عندي ودن أكبر من ودن.

وكان تحدث حلمي، في هذا البرنامج عن تعرضه للتنمر قائلا: مرة كنت في فرح بنت خالتى على مركب راسية، وكان في فنان كلنا بنحبه فى الفرح، وأنا كنت في فترة إعدادى تقريبا، وروحنا عشان نشوفه وواقفين قدامه وبنضحك ببراءة كدة، وراح قال لصاحبة الحق ميكي ماوس، طبعا اضايقت جدًا وعمري ما نسيت الحكاية دي خالص، واتعلمت منها إن أي حد جاى يتكلم معاك بدافع الحب مش بدافع شيء تانى أوعى تجرحه بأى كلمة.

آخر أعمال أحمد حلمي، فيلم بعنوان "واحد تاني" تدور أحداثه في إطار كوميدي تشويقي، شارك في بطولته روبي، سيد رجب، عمرو عبد الجليل، نسرين أمين، نور إيهاب، والعمل من تأليف هيثم دبور، ومن إخراج محمد شاكر خضير.