بسمة وهبة تكشف سر توقف برنامجها.. مفاجأة

كشفت الإعلامية بسمة وهبة، سر توقف بث حلقات جديدة من برنامجها المذاع على شاشة قناة المحور، وذلك خلال مقطع فيديو جديد لها نشرته بحسابها الرسمي، عبر موقع تبادل الصور والفيديوهات إنستجرام.

وقالت بسمة وهبة: بقالي فترة مبظهرش على الشاشة في البرنامج، وفي ناس بتقول إني مشيت من المحطة وتركت الشغل.

وتابعت: هو آه أنا قعدت في البيت عشان أنا زعلانة ومضايقة من اللي بيحصل في غزة، ومش حابة أطلع أصدر لكم طاقة سلبية ومش هعرف أكون إيجابية.

جدير بالذكر أن بسمة وهبة، كانت ردت على منتقدي تحدثها باللغة الإسرائيلية من أجل توصيل رسالة للمتحدث الرسمي للجيش الإسرائيلي.

وقالت بسمة: : أنا قلت النهارده أريح الزبون والناس اللي مش عاجبها لغتي في العبري، قررت أتكلم بالعربي علشان ما أضايقش حضراتكم وأجيب حد يقول اللي بقوله بالعبري لأنكم حساسين أوي من طلاقة اللسان.

وأضافت: يعني مش زي اللي بيتكلم أنجليزي وفرنساوي نص نص لكن العبري لا لازم نكون متقنينه وتكون بسمة راحت عاشت في إسرائيل فأتقنته أو عملت فيلم قعدت ست أشهر زي مهمة في تل أبيب تتعلم العبري زي الفنانين الجمال ما علموا، لما تكون في وسط مذبحة فيها أخوننا وأسرنا وأهلنا الفلسطينيين وكلمتين عاوزين يتقالوا بالعبري قررت أقولهم وأنا في العربية وتحسب لي هذه المحاولة.