ماجد الكدواني عن كريم عبدالعزيز: لو قلع جزمته وضربني هسامحه

أكد الفنان ماجد الكدواني، أن علاقة الصداقة التي تجمعه بالنجم كريم عبد العزيز قوية جدا لدرجة تجعله يسامحه على أي شئ.
وقال ماجد، في لقاء مع الإعلامي عمرو أديب: كريم عبدالعزيز حبيبي وكل الناس عارفة هو ايه عندي، كريم يعنى الأمانة والصداقة والمصداقية، أنا وهو ساعات بنتكلم على التليفون بـ 8 ساعات، وده لأننا بنبقى جعانين مصداقية ومحتاجين نتكلم براحتنا مع بعض.

وتابع: سر علاقتي بكريم عبدالعزيز أن مفيش رقابة ومفيش حساب ومحدش هيمسك على التاني حاجة، صداقتنا عمرها 24 سنة.

وأكد الكدواني: ومراتي دايمًا تقولي ربنا يبعد عنكم العين، وكريم لو في يوم اتعصب عليا وزعل منى وقلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا ايه هسامحه.