إيناس الدغيدي: يسرا اختارت أحمد عز في فيلم كلام الليل علشان يبوسها

تحدثت المخرجة إيناس الدغيدي، عن سبب اختيار النجمة يسرا للفنان احمد عز في فيلم كلام الليل، خلال لقائها في برنامج أسرار الذي يعرض على شاشة قناة النهار.

وقالت إيناس: وأنا بحضر لفيلم كلام الليل كنت بقابل في اليوم 40 واحد عايزين يمثلوا، واخترت أحمد عز من كاست وكان موديل إعلانات وقتها، رفضته في الأول، عشان مكنش مناسب سنا.

وتابعت: وعشان كان أصغر بكتير من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، عشان مش عايزة تتباس من أي حد، لما شافته قالتلي هو ده اللي اخترتيه، طب أنتي بصيتي على سنانه، مش هينفع أبوسه عشان سنانه كلها سودة.

وأوضحت:المنتج كان مقتنع بـ أحمد عز عشان وسامته، وراح قال ليسرا فيه واحد كويس أوي بس إيناس شايفة أنه صغير، لما شافته قالتلي ده أنا هبوسه لكن اللي إنتي مختاراه مش هينفع.

وأردفت: قلتلها ده صغير، قالتلي ماليش دعوة، وعمل الدور حلو جدًا، والبوسة طلعت حلوة، وبعدها راح اتعلم وجالي قالي عايز أعمل فيلم، عملت به مذكرات مراهقة، وعز تطور جدًا، ومجتهد ومركز وعنده هدف.