عصام صاصا يفجر مفاجآت نارية في التحقيقات.. لن تصدق ما قاله

كشف مطرب المهرجانات الشعبية عصام صاصا، خلال التحقيقات معه تفاصيل الحادث ودهسه مواطنا أعلى الدائري.

وقال عصام صاصا، خلال التحقيقات: كنت جاي من المعادي متجه لبيتي في حدائق الأهرام وعند بنزينة أون ذا رن حصلت الحادثة على الدائري، وكنت سايق على سرعة أقل من 70 وميكروباص أبيض بسقف عالى ماشي أمامي والمجني عليه ظهر فجأة أمامي.

وأكد عصام: أنا كنت رايح أدبح عجل عشان عقيقة ابني أنا خلفت والعقيقة يوم الخميس، وفي الحادثة  كان معايا 2 من أصدقائي واحد قاعد جنبي والتاني في الكنبة الخلفية، والمجني عليه ظهر فجأة قدامي في لحظة وخبط في زجاج السيارة، وصحبي اللي كان قاعد جنبي أصيب بشدة، ومرضتش أهرب وحاولت إنقاذه لكن لقيته بيطلع في الروح وتوفى في ثواني.

وأردف: وقفت لحد الشرطة ما جت ومهربتش، ومكنتش قاصد أموته، هو كان بيعدي الشارع من مكان غير مخصص لعبور المشاة في طلعة وصلة المريوطية من الطريق الدائري، وأنا كنت جاي من المعادي والحادثة حصلت الساعة 7 ونص.