رانيا فريد شوقي تدافع عن بوسي شلبي: "اتجوزت 20 سنة في النور.. واللي بيتقال دلوقتي طمس للحق"

خرجت الفنانة رانيا فريد شوقي عن صمتها لتدافع بشدة عن الإعلامية بوسي شلبي بعد الجدل الذي أُثير مؤخرًا حول طبيعة علاقتها بزوجها الراحل محمود عبد العزيز،  مؤكدة أن ما يُثار بعد وفاته يمثل ظلمًا فجًا وتجريحًا غير مبرر.

قالت رانيا في منشور لها عبر صفحتها على فيسبوك"
"بوسي ست محترمة، عاشت مع راجل بكل إخلاص لأكتر من 20 سنة، في النور، والناس كلها كانت شاهدة. وفجأة بعد ما رحل يتقال إنها ما كانتش زوجته؟ ده طمس للحق وتجريح في ست كانت زوجة حقيقية في كل تفاصيل العلاقة.. في العِشرة، في الستر، في الوفاء."

وأضافت:"إزاي ننسى وقفتها جنبه وقت المرض، كانت معاه في المستشفى، مقيمة، بترعاه بكل الحب والحنان. كانت السند والونس والحياة اللي اختارها بإرادته. ولو كانت مش زوجته، ليه عاش معاها قدام الكل؟ وليه محدش اتكلم طول السنين دي؟ ليه الكلام بدأ بس بعد ما رحل؟"

و وجهت انتقادًا مباشرًا لمن يروّجون هذه الشائعات، قائلة:
"اللي بيحصل مش خلاف، ده جرح في ضمير كل اللي عارفين الحقيقة وساكتين. بوسي النهاردة بتدفع تمن وفائها. الحق مش هيروح حتى لو اتأخر، وربنا يظهره."

واختتمت رسالتها بتوجيه نقد واضح للجيوش الإلكترونية التي تشارك في الهجوم، مؤكدة أن الكلمة أمانة، ودعت إلى تحري الصدق:
"اللي بيكتب كلمة لازم يراعي ضميره، لأن كما تُدين تُدان.. وربنا يدّي كل واحد على قد نيته".