رسالة مهمة للمواطنين المتقدمين على شقق الإسكان.. "تعمل إيه لو ما وصلتش "رسالة الأولوية"؟"

لو كنت مقدّم في الطرح الخامس من مشروع سكن لكل المصريين ولسه ما وصلتكش "رسالة الأولوية"، متقلقش، في خطوات بسيطة تقدر تمشي عليها علشان تعرف موقفك وتتصرف صح:

أول خطوة: ادخل على موقع صندوق الإسكان الاجتماعي

سجل دخولك على حسابك في موقع الصندوق: www.shmff.gov.eg
وهتلاقي نتيجة الفرز ظهرت، وهتعرف سبب الاستبعاد (لو حصل)، وكمان تقدر تقدّم تظلم.

الأسباب اللي ممكن تخليك خارج الأولوية:

دخلك أعلى أو أقل من الحد المطلوب.

نقص في الورق أو بياناتك فيها غلط.

عنوانك مش مطابق للمنطقة الجغرافية المسموح ليك التقديم فيها.

لو لقيت نفسك خارج الأولوية:

تقدر تسحب مقدم جدية الحجز.

أو تنتظر الطرح التكميلي اللي هينزل في شهر يوليو الجاي، واللي هتكون الأولوية فيه للناس اللي ماخدوش وحدات في الطرح الحالي.

نصيحة مهمة:

جهّز ورقك من دلوقتي، وتأكد إنك مستوفي الشروط الجديدة، أهمها:

السن من 21 لـ50 سنة.

ما تكونش حصلت على شقة إسكان اجتماعي قبل كده.

تختار مدينة أو محافظة تبع عنوانك في البطاقة.

لو موصلتكش رسالة، ما تفقدش الأمل، تابع الموقع أول بأول، وخليك مستعد للطرح الجاي.