«هشوف كل حاجة وأنا في العمليات».. إيناس عز الدين تكشف تفاصيل إجرائها عملية جراحية

شاركت الفنانة إيناس عز الدين جمهورها بصورة من أمام غرفة العمليات، وذلك قبل خضوعها لعملية جراحية دقيقة في عينها، بسبب مضاعفات خطأ طبي تعرضت له مؤخرًا.

ونشرت إيناس عبر صفحتها الرسمية على "فيسبوك" صورة واضحة لعينها المصابة، كاشفةً أنها على وشك إجراء عملية وهي في حالة وعي شبه كامل، مما زاد من توترها بسبب "فوبيا" قديمة من عمليات العيون.

وقالت عز الدين: «أنا داخلة أعمل عملية في عيني وأنا عندي فوبيا من الموضوع ده، وخصوصًا إن العملية هتتم وأنا فايقة وشايفة كل حاجة بتحصل قدامي، حتى الإبر اللي داخلة في عيني».

وتابعت الفنانة في منشورها: «عملت قبل كده عمليات كتير ببنج كلي، لكن دي مختلفة ومخوفاني جدًا.. الموضوع كله حصل بسبب تشخيص خاطئ من الطبيبة اللي كانت متابعة حالتي وكانت دايمًا تقولي إن عيني بتتحسن، لكن في الحقيقة كانت بتتدهور يوم ورا يوم».

وأوضحت أنها كانت تعاني من جرح بسيط في العين تطور بسبب الإهمال إلى تليف وقطع في الملتحمة استدعى تدخلاً جراحيًا طارئًا، مؤكدةً أن حالتها ما كانتش تستدعي كل ده في البداية، وكانت محتاجة فقط إلى "قطرة ومضاد حيوي ويومين راحة".

وختمت إيناس حديثها برسالة مؤثرة لجمهورها: «ادعولي العملية تعدي على خير، ربنا يقويني، لأني مش قادرة أوصف اللي أنا فيه دلوقتي».