هشام جمال يكشف سر اختيار سقارة لمشهد زفافه على ليلى زاهر

في أجواء من البساطة والرومانسية، كشف الفنان والمنتج هشام جمال عن كواليس زفافه على الفنانة ليلى أحمد زاهر، موضحًا أن أكثر ما كانت تتمسك به ليلى هو أن يكون عقد القران في يوم منفصل عن الفرح، علشان يكون الجو أكثر خصوصية وعائلية.

جمال قال خلال حواره في برنامج «صاحبة السعادة» إن ليلى اختارت تفاصيل فرحها بعفوية ومن غير أي بهرجة، وأضاف: «ما طلبتش فستانين ولا حاجات مبالغ فيها، إحنا مشينا بطبيعتنا، والفرح كان بسيط بس فيه روح حلوة».

وأشار إلى إن اختيار مكان الفرح كان تحديًا، خاصة بعد إغلاق المكان اللي كانت ليلى حابة تعمله فيه، فقرروا يعملوا الديكور في منطقة سقارة المطلة على الأهرامات، علشان يكون المنظر مميز من غير تكلف. وقال: «المكان طلع تحفة وبعدها بقى موضة».

من ناحيتها، عبّرت ليلى زاهر عن سعادتها الكبيرة باليوم ده، وقالت إنه كان «أحلى يوم في حياتي»، خصوصًا لما هشام فاجئها بأغنية خاصة غناها ليها، وأضافت: «كنت واقفة مش مصدقة إنه بيغنيلي الأغنية دي، الإحساس كان جميل ومش هيتكرر».